Startap layihələr 2024

 
Layihə açılan qanadlı kamikadze dron olub, verilmiş ərazidə GPS olmadan uçuş həyata keçirir. Öndə yerləşdirilmiş kamera və süni intellekt vasitəsilə düşmən hədəflərini müəyyən edir, bazaya görüntü əsasında sorğu göndərir. Operator dronu bir hədəfə yönləndirir. Dron üzərindəki partlayıcı vasitəsilə hədəfi zərərsizləşdirir.
 
 
VTOL dron radioekoloji monitorinq üçün nəzərdə tutulub. Qarabağ əraziləri minalardan təmizləndikdən sonra, orada radioekoloji monitorinqin aparılması çox vaxt və əmək tələb edir. Biz isə bu prosesi dronlar vasitəsilə həyata keçirən bir sistem hazırlamışıq, bu da bizə vaxtdan əhəmiyyətli dərəcədə qənaət etməyə imkan verir.
 
Layihə mini kamikadze quadcopter dronudur. Havalandıqdan sonra hədəfləri avtonom şəkildə müəyyən edir və əsgər-operatorun istəyinə uyğun olaraq hərəkətdə olan və ya sabit hədəflərə şığıyaraq onları məhv edir.
Xilaskar PUA döyüş meydanında olan yaralının yerinin təyin edilməsi və koordinatlarının idarəetmə məntəqəsinə göndərilməsi, həmçinin 1 kq-a qədər döyüş yükü və ilkin tibbi ləvazimatların çatdırılması üçün nəzərdə tutulmuşdur. Eyni zamanda, PUA GPS xarici təsirlər altında manual olaraq öz bölməmizə geri dönə bilir.
Elektrikli və uzaq məsafədən idarə olunan robotik maşın layihəsi, xüsusilə insan həyatına təhlükə yarada biləcək ərazilərdə mina axtarma, pilotsuz uçuş aparatları vasitəsi ilə kəşfiyyat xarakterli əməliyyatların icrasında istifadə üçün nəzərdə tutulmuşdur. 
Təyinatı minalarla çirklənmiş ərazilərdə personalın təhlükəsiz hərəkətini təmin etməkdir. Asan daşınan idarəetmə bloku və çəkmənin alt hissəsinə yerləşdirilmiş sensorlar vasitəsilə öz funksiyalarını yerinə yetirir. Mina aşkar edildikdə, cihaz bu barədə siqnalı dinamikə və ya qulaqcığa ötürür.
Biz qapalı və məhdud ərazilərdə axtarış-xilasetmə və müşahidə fəaliyyətlərində istifadə olunan, hərbi və mülki istifadəyə uyğun nano (mikro) sinif pilotsuz helikopter layihəsi üzərində işləyirik. Bununla yanaşı, uçuş idarəetmə kompüteri, əl pultu və yer stansiyası da layihəyə daxildir. Layihəyə sürü uçuş qabiliyyətinə malik kamikadze versiyaları da mövcuddur.
Suyun ekoloji təmizliyini və insanların boğulmasının qarşısını alan cihaz.
Cihaz 30-360 volt (50-680 volt xətti) qeyri-sabit gərginlikdən 230 (380) volt 50 Hz sabit gərginliklə qidalanmaq və reaktiv komponentləri aradan qaldırmaq üçün nəzərdə tutulub. Həm birfazalı, həm də üçfazalı şəbəkələrdə işləyir, cavab müddəti sıfır saniyədir və qəfil gərginlik dəyişikliklərində sabit çıxış təmin edir.
"TerraScan" mina axtaran robot partlayıcıları təyin edib məlumatları interaktiv xəritəyə ötürür. Geniş ərazilərdə asanlıqla hərəkət edən robot insan həyatını təhlükəsizlik altına almaq üçün innovativ bir həll təklif edir. "TerraScan" prototipi aşağı maliyyətlə yüksək effektivlik təmin edir.
 
Əsgərlər üçün rahat daşına bilən döyüş məqsədli pilotsuz uçuş aparatları, AZ X və kompakt anti-dron sistemləri. İstifadəçi texnikanı tez bir zamanda işə salaraq döyüşə hazır vəziyyətə gətirir. Uzaqdan idarə olunan pilotsuz uçuş aparatları uzaq məsafədən dəqiq hədəfə çırpılaraq onu zərərsizləşdirir.
SenseSpace, GPS kəsildikdə dron və robot sistemlərinin fasiləsiz işləməsini təmin edən alternativ koordinat təyin etmə sistemidir. Güclü anti-jamming texnologiyası ilə təchiz olunub. Eyni zamanda, yüksək tezlikli hərbi radio kommunikasiya sistemi ölkənin hərbi şəbəkələrində fərdiliyi və müstəqilliyi təmin edir.
Polygraf AI, məxfilik yönümlü anlayışa fokuslanan ixtisaslaşmış dil modellərindən istifadə edərək məlumatların yoxlanılması və məxfiliyinin qorunması üçün inkişaf etmiş AI həlləri təqdim edir. O, məlumat sızıntılarının qarşısını almaq və məlumat idarəçiliyini gücləndirmək üçün köhnəlmiş DLP sistemlərini kontekstual məlumatları dərk edən AI ilə modernləşdirir.
Zəhərli maddələrin istifadəsini azaltmaqla zərərvericilərin idarə olunmasına davamlı yanaşma təqdim edirik. Ekoparafinimiz zərərvericilərlə mübarizədə təmizlənmiş parafin məhsullarından istifadə edən inqilabi həll yoludur. Ağıllı Parafin Sistemi həm insanların, həm də ətraf mühitin təhlükəsizliyini təmin edərək bitkilərin sağlamlığını qoruyur.
Bizim platformamız müştərilərin sistemlərini peşəkar hakerlərin köməyi ilə təhlükəsizlik baxımından test etməyə imkan tanıyır. Hakerlər, müştəri tərəfindən müəyyən edilmiş qaydalara əsasən zəiflikləri aşkar etdikdə mükafat alırlar. Eyni zamanda, müştərilər əldə etdikləri məlumatlarla təhlükəsizlik strategiyalarını gücləndirərək gələcəkdəki riskləri azaldırlar.
Bizim dronumuz (M1) hərbi əməliyyatlar, kəşfiyyat və döyüşdə istifadə olunan munisiya üçün nəzərdə tutulub. Bu dron Süni İntellekt sistemi ilə təchiz ediləcək.
Dəniz zibilinə qarşı mübarizə aparan robot dəniz səthindəki zibilləri toplayır. Kiçik ölçüsü ilə çətin ərazilərə çatır və tullantıları arxasındakı xüsusi torbada yığır. Tor toksik olmayan materialdan hazırlanıb və neft, maye tullantıları toplamaq qabiliyyətinə malikdir.
Lazer rabitəsi və ya sərbəst məkan optik rabitəsi (FSO), məlumatların fokuslanmış işıq şüası vasitəsilə ötürülməsini nəzərdə tutur, tez-tez atmosfer və ya kosmos vasitəsilə. Lazer şüası, uzun məsafələrə rəqəmsal siqnalların ötürülə biləcəyi daşıyıcı dalğa kimi çıxış edir.
Model peyk sensorlardan məlumat toplayan və yer interfeysinə ötürən faydalı yükdən ibarətdir. Peyk iki hissəyə bölünür: daşıyıcı və faydalı yük. Roketlə 700 metr hündürlüyə qaldırıldıqdan sonra, 400 metrdə bu hissələr avtonom olaraq ayrılır və paraşütlə eniş edir. Telemetriya və video görüntüləri yer stansiyasına ötürülür.

Sponsorlar

Media dəstəyi

SƏRGİYƏ QALIB:

GÜN

SAAT

DƏQ

SAN