Ruslan Əlıyev, Artek Pro şirkətinin baş direktoru
Şirkətimiz sənaye, laboratoriya, İT avadanlıqları və elektron komponentlərin təchizatı sahəsində fəaliyyət göstərir. Biz müştərilərimizə nadir və çətin əldə olunan avadanlıqlar daxil olmaqla geniş məhsul çeşidi təklif edirik. Biz Avropa, Çin və digər beynəlxalq bazarlardan keyfiyyətli məhsullar təmin edirik.
Sərgiyə səfərim ilk növbədə biznesin inkişafı üçün yeni tərəfdaşların axtarışı ilə bağlıdır. Hərbi təyinatlı məhsullar tədarük edən şirkət olmasalar da, biz müdafiə sektoru ilə mülki məhsulların və hərbi qulluqçuların gündəlik həyatını təmin etmək üçün müxtəlif avadanlıqların təchizatı sahəsində əməkdaşlığa hazırıq.
Eyni zamanda, hərbçilərin artıq sahib olduğu avadanlıqlar məni maraqlandırır. Sirr deyil ki, hazırda adi həyatda istifadə etdiyimiz bir çox mülki işləmələr bizim məişətimizə məhz hərbi mühitdən gəlib və ilk sınaqdan məhz orada keçib. Və bu baxımdan mən artıq indidən gələcəkdə bizi nəyin gözləyə biləcəyini diqqətlə izləyirəm.
Sərgi məndə ən yaxşı təəssürat yaratdı. Təmsil olunan şirkətlərin səviyyəsi və onların təklif etdikləri məhsullar müdafiə sektorunun ən yeni nailiyyətlərini nümayiş etdirir. ADEX bir daha canlı ünsiyyətin nə qədər vacib olduğunu nümayiş etdirdi. Türkiyə, Çin, bir sıra Avropa ölkələri və əlbəttə ki, Azərbaycan nümayəndələri ilə çox maraqlı görüşlərim oldu. Qeyd etmək istərdim ki, yerli şirkətlər tərəfindən istehsal olunan məhsullar yaxşı mənada çox təəccübləndirdi.
AZ
EN
RU
ZH
