Bakı. Ağa Cəfərli-APA. 2015-ci ilin ilk rübündə Azərbaycan Müdafiə Sənayesi Nazirliyinin (MSN) tabeli müəssisələrində istehsal olunan məmulatların 78 faizini müdafiə və xüsusi təyinatlı, 22 faizini isə mülki təyinatlı məmulatlar təşkil edib.
APA-nın Müdafiə Sənayesi Nazirliyinin saytına istinadən verdiyi məlumata görə, bu barədə nazirliyin 2015-ci ilin birinci rübünün yekunlarına həsr edilmiş səyyar kollegiya iclasında məlumat verilib.
Bu ilin ilk rübü ərzində mülki məhsulların istehsalı üzrə proqnoza 112 faiz əməl edilib.
2015-ci ilin istehsal proqramına uyğun olaraq birinci rübdə nazirliyin müəssisələrində yaradılma üzrə 81 mövzunu və 143 mərhələni əhatə edən elmi-tədqiqat və təcrübi konstruktor işləri davam etdirilib.
AZ
EN
RU
ZH
