"Mən müdafiə sənayesi sahəsində müxtəlif səthlərin boyanması üçün infraqırmızı boyalar istehsal edən bir şirkətdə işləyirəm. Şirkətimiz bu il sərgidə iştirak etmək üçün qeydiyyatdan keçməyə vaxt tapmadı, lakin 2022-ci ildə iştirak etmişdik və növbəti dəfə yenidən qoşulmağı ümid edirik. Hər zamankı kimi, sərgidə çoxlu məhsullar və avadanlıqlar təqdim olunur. Mən şəxsən böyük ölçülü eksponatlar üçün daha geniş sahələr görmək istərdim. Burada açıq havada uçuş aparatlarının nümayiş olunduğu bir açıq sahə var, lakin o, nisbətən kiçikdir. Azərbaycanın coğrafi mövqeyinə, Rusiya və Mərkəzi Asiyadakı türk dövlətlərinə yaxınlığına görə, bu regionlardan daha çox şirkətin qatıldığı və daha geniş sərgi sahələrinin təqdim olunduğu bir sərgi görmək istərdim. Məsələn, Baykar şirkəti stendində məhsullarının miqyaslaşdırılmış modellərini təqdim edir, lakin mən real nümunələri görmək istərdim.
Amma ümumilikdə sərgi yaxşıdır. Mən sərgiyə iki tam gün həsr etdim və nəticələrdən çox razı qaldım. Bu gün mənim Azərbaycan Müdafiə Nazirliyinin və müxtəlif şirkətlərin nümayəndələri ilə görüşlərim planlaşdırılıb. Əminəm ki, bu görüşlərdən sonra sərgidən məhsuldar nəticələr əldə ediləcək."
AZ
EN
RU
