Sultan Əl-Kuvari, Barzan Holdings-in Proqramların İnkişafı üzrə Direktor, Qətər Barzan Holdings, Qətər Müdafiə Nazirliyinin ticarət qoludur və 2016-cı ildən etibarən əsasən Qətərin silahlı qüvvələrinə və beynəlxalq bazarlara xidmət etmək məqsədilə yaradılmışdır. Biz müxtəlif məhsul və xidmətlər istehsal etmək üçün müxtəlif müəssisələrə və törəmə şirkətlərə sərmayə yatırırıq, bunlara atıcı silahlar və döyüş sursatlarından tutmuş, pilotsuz uçan vasitələrlə mübarizə layihələrinə qədər olan yüksək texnologiyalı layihələr daxildir. Bu sərgidə biz döyüş sursatları mövzusunu təqdim edirik, bunlara atıcı silahlar, daha iri məhsullar, məsələn, tüfənglər, kiçik və orta kalibrli döyüş sursatları, həmçinin döyüş sursatı inventarını idarə etmək üçün AI (süni intellekt) əsasında sifariş proqramlarını təqdim edirik. Bizim üçün sərgilərdə iştirak etmək və Azərbaycana kimi yeni bazarları araşdırmaq son dərəcə vacibdir. Bu, ADEX-dəki ilk iştirakımızdır. Biz bu bazara ciddi yanaşırıq. Biz yerli şirkətlərdən birinə investisiya etmişik və bununla bağlı birgə müəssisəmiz var. Daha da əhəmiyyətlisi, Avrasya bazarı bizim üçün çox maraqlıdır. Biz artıq bölgədən çox sayda potensial müştəri cəlb etmişik, bir çox görüşlər keçirmişik və müxtəlif nümayəndəliklərlə məhsuldar qarşılıqlı əlaqələr qura bilmişik ki, ümid edirik, bunlar tezliklə müqavilələrə çevriləcək. Bu sərgi, yerli məqsədlərimizi həyata keçirməkdə gözləntilərimizi aşmağa kömək etdi.
AZ
EN
RU
