EN
RU
4-cü Azərbaycan Beynəlxalq Müdafiə sərgisi
8 - 10 sentyabr 2020 Bakı Ekspo Mərkəzi
adex

Stendin rezervasiyası

Sərgi qəzeti

Fotoqalereya

Dəvətnaməni əldə edin
ADEX - Azərbaycan yeni hərbi helikopterlər əldə edib
Media мərkəz » Xəbərlər

Azərbaycan yeni hərbi helikopterlər əldə edib
21.06.2018

Xəbərlər

Azərbaycan Silahlı Qüvvələrin yaranmasının 100 illiyi ilə əlaqədar iyunun 26-da keçiriləcək hərbi paradda ABŞ istehsalı yeni Bell-412 helikopterlərini nümayiş etdiriləcək. 

Oxu.Az xəbər verir ki, bununla bağlı “İnterfaks-Azərbaycan” hərbi mənbəyə istinadla məlumat yayıb. 

“Bell-412 helikopterləri artıq silahlanmaya daxil edilib. Onlar hərbi paradda nümayiş etdiriləcək”, - mənbə bildirib. 

Onun sözlərinə görə, bu, Azərbaycan ordusunun silahlanmasına daxil olan və Rusiya istehsalı olmayan ilk helikopterlərdir.

“Bell-412 ilə yanaşı, paradda Mi-24, Mi24G, Mi-35M, Mi-17 və Ka-27 helikopterləri də nümayiş olunacaq”, - o qeyd edib. 

Azərbaycan döyüş meydanında olmadan da düşmən hədəflərini məhv etməyə qadir olan helikopterlər əldə edib.

Oxu.Az-ın verdiyi məlumata görə, bu barədə müdafiə naziri, general-polkovnik Zakir Həsənov mətbuat konfransında bildirib.

“Azərbaycan döyüş meydanında olmadan düşmən hədəflərini məhv edən helikopterlər alıb. Bu helikopterlər 10-50 km məsafədən vura bilmək imkanına malikdir”,- deyə müdafiə naziri bildirib.

Onun sözlərinə görə, 26 iyunda keçiriləcək hərbi paradda ən müasir texnologiya və silahlar nümayiş olunacaq.

“Bizim nümayiş olunmayacaq silahlarımız da var. Çünki həmin silahlar hələlik sınaqdan keçirilməyib”, - deyə o əlavə edib.



TƏRƏFDAŞLAR